யுத்தம் இல்லாத பூமி

 

யுத்தம் இல்லாத பூமி
மலரவேண்டும்
ஆயுதக்களஞ்சியங்கள்
பூந்தோட்டமாக மாறவேண்டும்
தீவிரவாதத்தை தீவிரவாதிகளே
தீவிரமாக வெறுக்க வேண்டும்

வாழ்க்கை எனும் பாதையில்
அன்பு எனும் வாகனத்தில்
எல்லோரும்
பயணிக்க வேண்டும்

துப்பாக்கி வெடிச்சத்தத்திற்கு பதிலாக
பட்டாசு வெடிச்சத்தமே
கேட்க வேண்டும்
போர்கள் மூலம் ஒலிக்கும்
மரண ஓசைகள்
முற்றாக நிறுத்தப்படவேண்டும்

வருங்கால மனிதர்கள்
யுத்தம் எனும் வார்த்தையை
வரலாற்றுப்புத்தகத்திலேயே
தேடிப்பார்க்க வேண்டும்
சுபீட்சமான வாழ்க்கை எல்லோரும்
வாழ வேண்டும்
சுதந்திர பூமி மலர வேண்டும்.