பயர்பொக்ஸ் பதிப்பு 13ல் Reset பட்டன்

முதன் முதலாக கணணியில் பயர்பொக்சை நிறுவிய பின்னர் வேகமாக செயல்படத் தொடங்கும், ஆனால் சில நாட்களில் அதன் வேகம் குறையத் தொடங்கும்.இதற்கு காரணம் உங்களுக்குப் பிடித்தது என எவற்றையேனும் சேர்த்திருப்பீர்கள். சில எக்ஸ்டன்ஷனை அப்போதைய தேவைக்கு ஏற்றவாறு நிறுவிச் செய்த பின்னர், அப்படியே மறந்திருப்பீர்கள்.

இவை எல்லாம், உங்கள் மெமரியில் இடம் பிடித்துக் கொண்டு பயர்பொக்ஸ் இயக்கத்தின் வேகத்தை குறைக்கும்.

ஆனால் எது வேகத்திற்கு இடையூறாக உள்ளது என உங்களால் கண்டறிந்து நீக்க இயலவில்லை. அதற்கான நேரமும் உங்களிடம் இல்லை.

என்ன தீர்வு? கணணியை ரீ செட் செய்வது போல பயர்பொக்ஸ் உலாவியையும், முதலில் நிறுவச் செய்த போது இருந்தது போல அமைத்தால், ஒரு ரீசெட் பட்டன் இதற்கென இருந்தால் நன்றாக இருக்கும் அல்லவா!

மொஸில்லா அதைத்தான் தன் பயர்பாக்ஸ் பதிப்பு 13ல் செய்துள்ளது. புதிய ரீசெட் பட்டன் ஒன்றைத் தந்துள்ளது. இதனை about:support என்ற பிரிவில் கிளிக் செய்து பெறலாம்.

Help —> Troubleshooting Information என்று செல்ல வேண்டியதிருக்கும். இங்கு அமைந்துள்ள பட்டனில் கிளிக் செய்தவுடன், மாறா நிலையில் உள்ள செட்டிங்ஸ் உடன் புதிய தோற்றம் மற்றும் இயக்கம் கிடைக்கும்.

இதில் உங்கள் உலாவியின் வரலாறு, கடவுச்சொல், குக்கீஸ், புக்மார்க் என அனைத்தும் கொப்பி செய்யப்பட்டு கிடைக்கும். எனவே நீங்கள் கவலைப்பட வேண்டியதில்லை.

பயர்பொக்ஸ் மூன்று முறை கிராஷ் ஆனால், இந்த பட்டனைக் காட்டி ரீசெட் செய்திடவா என்று ஒரு ஆப்ஷனைக் காட்டப்படும். இதனை கிளிக் செய்தால் மீண்டும் பழைய நிலைக்கு பயர்பொக்ஸ் வந்துவிடும்.

இதில் ஒரு சின்ன பிரச்னை என்னவென்றால் இந்த பட்டன் எங்கு உள்ளது என்று தேடி அலைய வேண்டியதுள்ளது.